काठमाडौं । नेपाली कांग्रेसको १४औँ महाधिवेशन अन्तर्गत सुरु भएको सभापतिको मतगणनामा शेरबहादुर देउवाले अग्रता लिएका छन् । प्रारम्भीक मतगणनामा देउवाले अग्रता लिएका हुन् ।

एक सय मतगणना गर्दा शेरबहादुर देउवाले ५० मत पाएका छन् । डा। शेखर कोइराला ३४ मत, विमलेन्द्र निधिले ११, प्रकाशमान सिंहले ३ र कल्याण गुरुङले १ मत पाएका छन् । अहिले प्रदेश २ को मतगणना गरिएको हो ।

हिजो भएको मतदानमा चार हजार ७४३ मतदाता रहेकोमा चार ६७९ मत खसेको छ । ६४ जना मतदान कार्यक्रममा अनुपस्थित रहे ।

सभापतिको मतगणनाको अन्तिम मतपरिणाम आइसकेपछि मात्रै अन्य पदाधिकारीको मतगणना सुरु हुनेछ ।