सुग्रिव बरई
कपिलबस्तु, असार ५ गते । पार्टी स्थापना दिवसको अवसरमा आयोजित सप्ताहव्यापी कार्यक्रम अन्तर्गत राष्ट्रिय स्वतन्त्र पार्टी कपिलवस्तुले मंगलबार रक्तदान कार्यक्रम सम्पन्न गरेको छ ।
नेपाल रेडक्रस सोसाइटी कपिलवस्तु शाखाको प्राविधिक सहयोगमा तौलिहवामा आज गरिएको कार्यक्रममा झण्डै ३० जनाको सहभागीता रहेको थियो ।
कार्यक्रमलाई सम्बोधन गर्दै पार्टीका जिल्ला सभापति सिव सुवेदीले रक्तदान जिवन दान भन्ने मूल मर्मलाई आत्मसात गर्दै आफूहरुले जिल्लाको रगत अभाव टार्न कार्यक्रम गरेको बताउनु भयो ।
रास्वपाका प्रदेश सदस्य डाक्टर सरस्वती भट्टराई क्षेत्र नम्बर २ का सदस्यहरु माधव पराजुली, अखिलेस दुवे, अञ्जु शर्मा, वाणगंगा नगर सभापति बुद्धिसागर वेल्वासे, वाणगंगा नगरपालिका वडा नम्बर ११ का सभापति नारायण खनाल, सल्लाहकार डिल्ली अर्याल, वाणगंगा नगरपालिका वडा नम्बर ५ का सभापित धनिश्वर खनाल लगायतको उपस्थितिमा कार्यक्रम सम्पन्न भएको थियो ।