तौलिहवा, माघ १६ गते । बजाज कम्पनीको चर्चित स्पोट्र्स मोटरसाइकल पल्सर २२० एफआई को २०२६ मोडेल तौलिहवामा आजदेखि औपचारिक रूपमा बिक्री सुरु गरिएको छ । नयाँ मोडेल अपडेटेड ग्राफिक्स, परिमार्जित डिजाइन र उन्नत फिचरसहित बजारमा ल्याइएको हो ।
बजाज शोरुम तौलिहवा शाखाका सञ्चालक विनोद पाठकका अनुसार मोटरसाइकलको मूल्य रु. ४ लाख ३९ हजार ९ सय निर्धारण गरिएको छ । ग्राहकले न्यूनतम ४० प्रतिशत रकम जम्मा गरी बाँकी रकम ३६ महिना फाइनान्समार्फत भुक्तानी गर्ने सुविधासहित मोटरसाइकल खरिद गर्न सक्ने व्यवस्था मिलाइएको उनले जानकारी दिए । यस मोडेलमा पाँच वर्ष वा ६० हजार किलोमिटरसम्मको वारेन्टी सुविधा प्रदान गरिएको पनि उनले बताए ।
२०२६ मोडेलमा विशेष गरी नयाँ ग्राफिक्स डिजाइन, स्पोर्टी लुक, एफआई (फ्युल इन्जेक्सन) प्रणाली, शक्तिशाली इन्जिन र स्थिर राइडिङ अनुभवलाई प्राथमिकतामा राखिएको कम्पनीको दाबी छ । दैनिक प्रयोगसँगै लामो दूरीका यात्राका लागि समेत उपयुक्त हुने गरी मोडेल तयार गरिएको जनाइएको छ ।
शोरुमले ग्राहकका लागि सहज फाइनान्स तथा एक्सचेञ्ज सुविधा समेत उपलब्ध गराएको जनाएको छ । इच्छुक ग्राहकले बजाज शोरुम तौलिहवा शाखामा सम्पर्क गरी थप विवरण लिन सकिने छ ।