तौलिहवा। कपिलवस्तुको चार नम्बरबाट तौहिलवा तर्फ फर्किदै गरेको सशस्त्र प्रहरीको वानटेन गाडी दुर्घटना हुदा ३ जना सशस्त्र प्रहरी सहित ४ जनाको मृत्यु भएको छ । बेस क्याम्प बिसनपुरबाट फर्कर्दै गरेको सशस्त्र प्रहरी गण नम्बर २८ को सशस्त्र प्रहरी सवार ना १ ग ५५४ वान टन गाडी शुक्रबार साझ बाणगंगा नगरपालिका वडा नम्बर ३ सिउटीमा अनियन्त्रित भई दुर्घटना भएको हो ।
दुर्घटनामा गाडी चालक सशस्त्र प्रहरी सहायक हवल्दार रमेश चौधरी र साइकल यात्री स्थानीय अमर संग्रामी मगरको जीतपुर स्थित सामुदायिक अस्पतालमा उपचारको क्रममा मृत्यु भएको थियो ।
गम्भीर घाइते भएका सशस्त्र प्रहरी हवल्दार रमेश चौधरी र सशस्त्र प्रहरी जवान जनक चौधरीको भैरहवा स्थित युनिभर्सल मेडीकल कलेजमा उपचारको क्रममा शुक्रबार राति साढे १० बजे मृत्यु भएको प्रहरी नायब उपरिक्षक मिन बहादुर घलले जानकारी दिए ।
गम्भीर घाइते भएका सशस्त्र प्रहरी नायब उपरिक्षक गोबिन्द सुबेदी, जवान प्रेम मल्ल र बरिष्ठ प्रहरी हवल्दार कुल बहादुर घर्तीको भैरहवा स्थित युनिभर्सल मेडीकल कलेजमा उपचार भईरहेको छ ।
उनीहरुको अवस्था नाजुक रहेको र तीब्र गतिका कारण दुर्घटना भएको हुन सक्ने ट्राफिक प्रहरी निरीक्षक यागेन्द्र तिमिल्सिनाले बताए । घटना के कसरी भएको हो त्यसको अनुसंधान गरिने इलाका प्रहरी कार्यालय पिपराको प्रहरी निरीक्षक शशीबावु केसीले बताए ।
तपाईको प्रतिक्रिया !