आज हरिबोधनी एकादशीको अवसरमा शुद्धोधन र मायादेवीमा विदा

तौलिहवा। हरिबोधनी एकादशीको अवसरमा कपिलबस्तुको शुद्धोधन र मायादेवी गाँउपालिकामा स्थानिय विदा दिइएको छ । प्रत्येक वर्ष कार्तिक शुक्ल एकादशीका दिनमा भगवान् विष्णुको प्रतीकका रूपमा तुलसीको दामोदरसँग विवाह र विशेष पूजा गरी मनाइने हरिबोधिनी एकादशी पर्व आज मनाइँदैछ । आषाढ शुक्ल एकादशी अर्थात् हरिशयनी एकादशीका दिनमा क्षीरसागरमा सुतेका विष्णु ब्युँझिने भएकाले आजको एकादशीलाई हरिबोधिनी वा प्रवोधिनी एकादशी पनि भनिन्छ ।
सो अवसरमा शुद्धोधन गाँउ कार्यपालिकाको कार्यालय, मताहतका सबै वडा कार्यालयहरु, स्वास्थ्य संस्थाहरु(अत्यावश्यक बाहेक) साथै सम्पूर्ण शैक्षिक संस्थाहरुमा विदा रहने गाँउपालिका अध्यक्ष कमलेश शरण चौधरीले बताउनुभयो ।
त्यस्तै मायादेवी गाँउपालिका कार्यालय, मताहतका सबै वडा कार्यालयहरु, स्वास्थ्य संस्थाहरु(अत्यावश्यक सेवा बाहेक) साथै सम्पूर्ण शैक्षिक संस्थाहरुमा विदा रहने प्रमुख प्रशासकिय अधिकृत प्रमेश्वर यादवले बताउनुभयो ।