बैशाख ६गते।
कपिलवस्तु , शिवराज नगरपालिकाको नगरप्रमुख अजय थापाले पदभार ग्रहण गरेलगत्तै निशुल्क शिक्षाको अवधारणा ल्याए पछि कार्यन्वयनका विभिन्न सुचकांक पुरा गर्दै आज आफनो छोरीलाई सामुदायिक विधालयमा भर्ना गरेका छन । निजी विधालयमा अध्ययन गर्दै आईरहेकी छोरीलाई नगरप्रमुख अजय थापाले घर नजिकै रहेको समयथान माध्यमिक विधालयमा कक्षा ८मा भर्ना गरेका हुन । शिवराज नगरपालिकाले नगरवाट सेवा सुविधा लिएका व्यक्तिका छोराछोरीले अनिवार्य सामुदायिक विधालयमा भर्ना गर्नुपर्ने निति निर्माण गरेकाले सोहि निति अनुरुप छोरीलाई सामुदायिक विद्यालयमा भर्ना गरेको मेयर थापाले वताएका हुन ।
उनले नगरका अन्य जनप्रतिनिधि , शिक्षक र कर्मचारीहरुले पनि सरकारी विद्यालयमा भर्ना गरिरहेको वताएका छन । सरकारी विद्यालयको शिक्षाको गुणस्तरमा वृद्धी हुनेमा आफु विश्वस्त रहेको समेत मेयर थापाको भनाई रहेको छ । समयथानका प्रअ गिरी प्रसाद गैरेले मेयर थापाले आफनो छोरीलाई भर्ना गरेर सकारात्मक सन्देश दिएको वताएका हुन । माध्यमिक तह सम्म पुर्ण निशुल्क शिक्षाको व्यवस्था गरेको नगरपालिकाले केहि दिन अगाडी सुचना जारी गर्दै जनप्रतिनिधि , शिक्षक र कर्मचारीहरुले आफ्ना छोराछोरीलाई अनिवार्य सामुदायिक विद्यालयमा भर्ना गर्नुपर्ने निर्देशन दिएको थियो ।
तपाईको प्रतिक्रिया !