कपिलवस्तु, फागुन २ गते । कपिलवस्तु नगरपालिका वडा नम्बर ८ मैनिहवामा दोश्रो वडा स्तरीय क्रिकेट प्रतियोगीता सुरु भएको छ । वडा कार्यालयको सहयोग र किङ्स फ्रोजेक्टको आयोजनामा गरिएको खेलको शुभारम्भ नगर प्रमुख सुदीप पौडेलले रिबन काटे पछि वडाध्यक्ष शिव कुमार पाण्डेले बलिङ र पौडेलको ब्याटिङ गरी खेलको उदघाटन गरिएको हो ।
सो अवसरमा नगर प्रमुख पौडेलले अहिले नेपालमा क्रिकेटमा क्रेज बढदै गएको बताए । उनले अहिले राम्रो क्रिकेट खेल्नेले अवसर पाउने र जीवन गुजारा समेत यसबाट गर्न सक्ने समय आएको बताए । उनले वडामा फिल्डको अभाव खडिएको बेला आफुले फिल्ड निर्माणमा नगरपालिकाबाट सहयोग गर्ने प्रतिबद्धता ब्यक्त गरे ।
सो अवसरमा समाजसेबी रबिन्द्र मिश्राले क्रिकेट खेलले नेपाललाई चिनाउदै गएकाले यो खेलको विकासका लागि पालिकाले समेत ध्यान दिनु पर्ने बताए ।
सो अवसरमा जिल्ला खेलकुद विकास समितिका अध्यक्ष राजेश उपाध्यायले वडामा फिल्ड नभएर खेतमा खेल खेलाउदा आफुलाई दुःख लागेको बताए । फागुन ४ गते सम्म चल्ने खेलमा ८ टिम सहभागी छन ।
प्रथम हुनेलाई २० हजार द्धितीयलाई १० र तृतीयलाई ५ हजार प्रदान गरिने वडाध्यक्ष पाण्डेयले बताए । कार्यक्रम वडाध्यक्ष पाण्डेयको अध्यक्षता र संतोष पाण्डेयको संचालनमा भएको थियो ।