कपिलवस्तु १० असार
कपिलवस्तुका १० मध्ये ८ पालिकाले मात्र बार्षिक नीति तथा कार्यक्रम प्रस्तुत गरेका छन । यस्तै ७ पालिकाले भने निति र कार्यक्रम सहीत बजेट समेत ल्याएका छन ।
स्थानीय सरकार संचालन ऐन अनसार पालिकाले असार १० भित्र बार्षिक नीति सहीत बजेट ल्याई सक्नु पर्ने प्रावधान छ । कपिलवस्तुका कपिलवस्तु, बुद्धभुमि, बाणगंगा, शिवराज, महराजगंज र कृष्णनगर नगरपालिका तथा बिजयनगर गाउपालिकाले बार्षिक नीति र कार्यक्रम सहीत बजेट समेत ल्याएका छन् ।
यस्तै यशोधरा गाउपालिकाले भने बार्षिक नीति र कार्यक्रम मात्र ल्याएको छ । जिल्लाको शुद्धोधन र मायादेबी गाउपालिकाले भने बार्षिक नीति कार्यक्रम र बजेट निर्धारित समयमा ल्याउन सकेनन् । तयारी अभावले नीति र कार्यक्रम ल्याउन नसेकेको ती पालिकाले जनाएको छ ।
नेपाल कै पुरानो कपिलवस्तु नगरपालिकाको बजेट ९६ करोड १८ लाख ८३ हजार पेश गरिएको छ । १६ औ नगर सभामा नगर प्रमुख सुदीप पौडेलले स्वास्थ्य बिमामा लाग्ने ३५ सय मध्ये आधा रकम अनुदान, निःशुल्क शिक्षा, नगर सुन्दरीकरण, मेडियनमा बृक्षारोपण रामघाट धाम निर्माण, बुद्धपद्मम बिद्यालयको खेल मैदानमा स्टेडियम निर्माण लगायतको काम हुने बताउनुभयो ।
बुद्धभुमि नगरपालिकाको बजेट १ अर्ब २० करोड ३२ लाख ९६ हजार प्रस्तुत गरिएको छ । नगरपालिको सोह्रौ अधिबेशनको दोश्रो बैठकमा नगर उप प्रमुख मीरा थारुले सो बजेट प्रस्तुत गरेकी थिईन । शिक्षा स्वास्थ्य कृषि र नगरका गौरव योजनामा जोड दिइएको केशव कुमार श्रेष्ठले बताउनुभयो ।
एम्बुलेन्स खरिदका लागि १ करोड बजेट बिनियोजन गरिएको छ । टिक्कर बुढ्ढी बिजगौरी सडकका लागि २ करोड बजेट बिनियोजन गरिएको छ । कार्यक्रममा लेखा प्रतिबेदन वडा नम्बर ३ का अध्यक्ष गोबिन्द आचार्य र न्यायिक समितिको प्रतिबेदन उप प्रमुख मीरा थारुले प्रस्तुत गरेकी थिईन ।
महाराजगन्ज नगरपालिकाको बजेट १ अर्ब ३ करोड ४९ लाख पेश गरिएको छ । नगर प्रमुख अब्दुल कलामले १५ औं नगर सभामा सो बजेट पेश गरेका थिए । खाले शिक्षा, पुर्वाधार स्वास्थ्यलाई प्राथमिकतामा राखेर सो बजेट प्रस्तुत गरेका थिए । उनले बजेट कटौतीले नगरपालिकाललाई ठुलो असर परको बताए ।
बाणगंगा नगरपालिकाको बजेट १ अर्व ६२ करोड ४६ लाख ८६ हजार बजेट प्रस्तुत गरिएको छ । १५ औ नगर सभामा नगर उपप्रमुख रीता कुमारी चौधरीले सो बजेट प्रस्तु्त गरेकी हुन ।
शिवराज नगरपालिकामा १ अर्व २४ करोड ७९ लाख ५६ हजार बजेट पेश गरिएको छ । उप प्रमुख शिव कुमार थारुले सो बजेट पेश गरेकी हुन । कृष्णनगर नगरपालिकाको बजेट ७१ करोड ४० लाख ३६ हजार बजेट पेश गरिएको छ । उप प्रमुख आरती देबी चोधरीले सो बजेट प्रस्ुतत गरेकी थिईन । नगर प्रमुख रजत प्रताप शाहले शिक्षा स्वास्थ्य पुर्वाधारमा बजेट बिनियोजन गरिएको र शिवराज अस्पतालका लागि ९० लाख बजेट बिनियोजन गरिएको बताए ।
यस्तै बिजयनगर गाउपालिकाको बजेट ६४ करोड २५ लाख ५० हजार बजेट पेश गरिएको छ । उपाध्यक्ष लक्ष्मी कुमारी चौधरीले सो बजेट प्रस्तुत गरेकी थिईन ।
तपाईको प्रतिक्रिया !