लागु औषधको कारोवारमा ३ बर्षमा सवा ३ सय मानिस पक्राउ

कपिलवस्तु २२ भदौ
प्रहरीले लामो सयम देखि लागु औषध बिरुद्ध अभियान संचालन गर्दै आएको छ । तर लागु औषधको कारोवार र सेवन गर्नेका संख्या घटन सकेको छैन । खैरो हेराईन चरेश, स्पास्मो क्याप्सुल, नाईट्रोसन, कोरेक्स, ईन्ट्रोसपम लगायतका लागु औषधको कारोवारमामा निरन्तर बृद्धि भईरहेको हो ।
पछिल्लो ३ बर्षको अवधिमा प्रहरीले लागु औषधको कारोवारमा ३ सय २२ जना पक्राउ गरेको जनाएको छ । मुद्दाको संख्यामा केही घटबढ भए पनि यसको कारोवारमा लाग्नेको संख्या निरन्तर बढी रहेको छ । ३ बर्षमा १ सय ७५ वटा लागु औषधको मुद्दामा ३ सय २२ जना पक्राउ परेको प्रहरी नायब उपरिक्षक हरि बहादुर ओलीले बताए ।
गत आर्थिक बर्ष २०८०÷०८१ मा ५६ वटा लागु औषधका मुद्दामा १ सय १ जनाम पक्राउ परेका छन । यस्तै आर्थिक बर्ष २०७९÷८० मा ५८ वाट मुद्दामा १ सय १० जना र आर्थिक बर्ष आर्थिक बर्ष २०७८÷०७९ मा ६१ वटा मुद्दामा १ सय ११ जना पक्राउ परेका थिए ।
केही बर्ष यता बाणगंगा नगरपालिकामा खैरो हेरोईनको कारोवारी र सेवनकर्ता बढेको छन । यस्तै कृष्णनगर नगरपालिकामा क्षेत्रमा रोल्पा रुकुम लागतयबाट ल्याइएको चरेश नेपालीबाटो हुदै भारत तर्फ जाने गरेका छन । कारोवारीहरुले नेपालबाट भारत छिराएका चेरेश भारतीय सुरक्षाकर्मीले समेत पक्राउ गर्ने गरेका छन ।
जिल्लामा कारोवारसंगै दुब्र्यसनीको संख्या समेत बढदै गएको लागु औषध बिरुद्ध काम गर्दै आएका युवा प्रकाश घिमिरले बताए । बिगतमा लागु औषधको कारोवार हुने कपिलवस्तु नगरपालिको तौलिहवा क्षेत्रमा कमी आए पनि बाणगंगा नगरपालिकामा भने बढेको उनले बताए । ‘ लागु औषधको कोरोवार तथा यस्को कुलतमा खास गरी युवा बर्ग नै फसेका छन । उनले भने ।
ब्राउन सुगर खाने र कारोवारमा लाग्नेको संख्या निरन्तर बढदै गएको तथा ब्राउन सुगर नपाए मात्र दुब्र्यसनीहरुले त्यसको बिकल्पाको रुपमा चरेश, गाँजा, स्पास्मो क्याप्सुल, नाईट्रोसन, कारेक्स, ईन्ट्रोसपम सेवन गर्ने गरेको उनले बताए ।
खैरो हेरोईन भारतको लखनउको बारबंकी भन्ने स्थानबाट जिल्लाको सीमा नाका हुदै भित्रिने गरेको तथा चरेश नेपलाको रोल्पा रुकुम, बाग्लुङ लगायतका जिल्ला हुदै सीमानाकाबाट भारत लै जाने गरिएको छ । स्पास्मो क्याप्सुल, नाईट्रोसन, कारेक्स, ईन्ट्रोसपम लगायतका प्रतिबन्धित औषधीहरु भने भारतबाट नेपाल ल्याईने गरिएको छ ।
कारोवारीहरुले प्रलोभनमा पारेर बिपन्न मानिसहरुलाई भरियोकोरुपमा प्रयोग गरेर नेपालबाट भारत र भारतबाट नेपाल लागु औाषध भित्राउने गरेका छन ्। केही बर्ष यता कारोबारीहरुले भरियाकोरुपमा महिलाहरु बढी प्रयोग गर्न थालेका छन् । काबारोवारीहरु पक्राउ परेकाले संख्यात्मकरुपमा बढेको देखिए अहिले बिस्तारै घटदै गएको प्रहरी नायब उपरिक्षक हरि बहादुर ओलीले बताए ।
प्रहरीको अभियान पछि लागु औषधको कारोवारीहरु धमाधम प्रहरीको फन्दामा परेको उनले दाबी गरे । ‘ कारोवारी र दुब्र्यसनीहरुलाई प्रहरीले बिशेष निग्रानीमा राखेकोले बिगत बर्षहरुको तुलनामा निकै कमी आएको छ । ’ उनले भने । प्रहरी उपरिक्षक नवरत्न पौडेलले भारतको छिमेकी जिल्लाका अधिकारीसंग समन्वय, सीमा नाकामा निग्रानी बढाएको उनले बताए ।
‘ लागु ओषध कारोवारीहरुको संजाल तोडन हामीले आक्रमकरुपमा अभियान चलाएका छौ, त्यसबाट केही सफलता समेत मिलेको छ ’ उनले भने । ‘ हामीले लागू औषधबारे सुक्ष्म अध्ययन र अनुसन्धान गर्यौ, अवस्था गम्भीर देखियो, त्यसैले सबै ढंगबाट नियन्त्रणमा लाग्यौ ’ उनले भने ।
खुला सीमाना, बढ्दो लागू औषध सेवनकर्ताले गर्दा यसको नियन्त्रण्मा चुनौती थपिएको उनले बताए । ईंलाका प्रहरी कार्यालय पिपराले चलाएको अभियानमा बाणगंगा क्षेत्रमा ठुलो सफलता मिलेको उनले बताए ।
गत आर्थिक बर्ष २०८०÷८१ मा ९७ दशमलव शुन्य ७८ ग्राम खैरो हेराईन सहीत ७५ जना र ३४ किलो १ सय ७० ग्राम चरेश सहीत ७ जना मानिस पक्राउ परेका थिए । यस्तै आर्थिक बर्ष बर्ष २०७९÷०८० मा २ सय ३३४ ग्राम र ९१६ मिलिग्राम खैरो हेरोईन सहीत ७६ जना मानिस र ४० किलो ३९ ग्राम चरेश सहीत १२ जना तथा १५ किलो ५६० ग्राम अफिम सहीत ३ पक्राउ परेका थिए ।
आर्थिक बर्ष २०७८÷०७९ मा २ सय ५२ ग्राम ४९६ मिलिग्राम खैरो हेरोईन सहीत ५९ जना र ४० ग्राम २ सय १२ ग्राम चरेश सहीत २ जना मानिस पक्राउ परेका थिए ।