Pictures from the match between Malaysia and Nepal during the Bilateral Series Malaysia Women vs Nepal Women T20i 2025 Bayuemas Oval on October 02, 2025 in Klang, Selangor, Malaysia. Photo by Peter Lim/PhotoDesk.com.my for Malaysian Cricket Association
काठमाडौँ, असोज १६ गते। नेपाल अन्तर्राष्ट्रिय महिला ट्वान्टी–२० शृङ्खलाको पहिलो खेलमा मलेसियासँग तीन रनले पराजित भएको छ।
मलेसियाको बायुमास ओभलमा बिहीबार सम्पन्न खेलमा १०५ रनको लक्ष्य पछ्याएको नेपाल २० ओभरमा पाँच विकेट गुमाउँदै १०१ रन मात्रै बनाउन सक्यो।
नेपालका लागि पूजा महतोले २९ बलमा सर्वाधिक ३० रन बनाउनुभयो भने सम्झना खड्काले १६ बलमा १८ रन जोड्नुभयो। कविता जोशीले १३ रन बनाउनुभयोे। मलेसियाका लागि नुर डानियाले सर्वाधिक तीन विकेट हात पार्नुभयो।
त्यसअघि टस जितेर पहिला ब्याटिङ गरेको मलेसियाले निर्धारित २० ओभरमा पाँच विकेट गुमाउँदै १०४ रन बनाएको थियो। उसका लागि कप्तान विनिफ्रेड डुरैसिङ्गमले सर्वाधिक २७ रन बनाउनुभयो भने ओपनर ऐना हमिजा हसिमाले २६ रन र मास ऐसाले २५ रन हात पार्नुभयो।
नेपालका लागि सुमन विष्टले दुई तथा रुविना क्षेत्रीले एक विकेट हात पार्नुभयो। नेपाली महिला टोलीले आगामी जनवरीमा नेपालमै आयोजना हुने महिला टी–२० विश्वकपको ग्लोबल छनोट खेल्दै छ। सोही प्रतियोगिताको तयारीका स्वरुप नेपालले जारी प्रतियोगिता खेलेको हो।
प्रतिक्रिया
