कपिलबस्तु । शनिबार दिउँसो ३ बजे आएको बाढीका कारण बेपत्ता भएका बाणगंगा नगरपालिका–८ का १० वर्षीय बुद्ध लामाको शव भारतमा फेला परेको छ। प्रहरी नायव उपरीक्षक रिपेन्द्र कुमार सिंहले लामाको शव नेपाल–भारत सीमाबाट करिब २ किलोमिटर टाढा भारतीय क्षेत्रमा पर्ने बगुलहवा नजिकै बाणगंगा खोलामा आइतबार दिउँसो १२ बजे फेला परेको बताए ।
फेला परेको शव भारतीय प्रहरीको समन्वयमा सोहरदगढ प्रहरी चौकीमा राखिएको छ। आवश्यक समन्वय गरी शव नेपाल ल्याउने तयारी भइरहेको प्रहरीले जनाएको छ।