कपिलवस्तु २२ चैत
नेपाल कम्युनिष्ट पार्टि (एकीकृत समाजबादी) पार्टीका अध्यक्ष तथा पुर्व प्रधानमन्त्री माधबकुमार नेपालले आगामी निर्वाचनमा गठबन्धनका साझा उम्मेदवारले जित्ने दाबी गरेका छन । पाच दलीय गठबन्धन हुन लागकोमा एमाले अध्यक्ष केपी आत्तिएको भन्दै उनले पाच दल बिच गठबन्धन भई चुनावमा जाने उनले बताए । कपिलवस्तुको शिवराज नगरपालिका चन्दौटामा भएको प्रशिक्षण तथा पाटी प्रवेश कार्यक्रमलाई सम्बोधन गर्दै उनले सो कुरा बताएका हुन ।
उनले पाँच दलीय गठबन्धनको निरन्तर वार्ता र छलफल भइरहेको बताए । ‘ सबै दलहरू गठबन्धन प्रति सकारात्मक छन, ’ अध्यक्ष नेपालले आगामी स्थानिय तहको निर्वाचनमा नेकपा एस पहिलो पार्टी बन्ने ठोकुवा समेत गरे । उनले समाजिक सुरक्षा भत्ता पाँच हजार पुर्याईने बताए । आफु एमालेमा रहँदा बृद्धाभत्ताको सुरुवात गरेको भन्दै अब भत्ता बृद्धी गर्ने उनले बताए । अध्यक्ष नेपालले एकीकृत समाजवादी प्रति जनताको आकर्षण देखेर विपक्षी दलहरू बरबराउन थालेको बताए ।
एकीकृत समाजवादी पाटी समाजवादको दिशामा अगाडी बढेको बताउँदै उनले न्याय, सत्य र परिवर्तनको लागि काम गर्न नेता कार्यकर्तालाई आग्रह गरे । । ६ महिना अघि गठन गरेको पाटीमा अहिले जनताको लहर रहेको बताउँदै मेयर र वडा अध्यक्ष दैनिक रूपमा पार्टी प्रवेश गरेको बताए । लुम्बिनी सँग जोडेर कपिलवस्तुलाई पर्यटकीय क्षेत्रको रूपमा विकास गर्नुपर्ने बताउँदै पर्यटक भित्रिएमा नागरिकहरू आत्मनिर्भर बन्ने बताए । । कार्यक्रमलाई सम्बोधन गर्दै अध्यक्ष नेपालले कपिलवस्तुका लोकप्रिय नेता डा.मञ्जुर खाँको नेतृत्वमा एकीकृत समाजवादिमा प्रबेश गरेकोमा धन्याबाद दिए ।
कपिलवस्तुको विकासका लागि नेकपा एस निर्वाचित हुनुपर्नेमा आफु बिश्वस्त रहेको बताए । कार्यक्रममा एकीकृत समाजवादीमा सचिव भागवत बिश्वासीले एमालेले जनतालाई घात गरेको बताए । केपी ओलीले संविधान मिचेर संसद् विघटन गरेर जनताको मतलाई अपमान गरेको उनको आरोप छ । स्थानीय तहको निर्वाचनमा गठबन्धन बलियो भएकोले एमाले आत्तिएको बताए । लुम्बिनी प्रदेश अध्यक्ष मेटामणी चौधरीले कपि ओलीको प्रवृत्तिलाई जनताले अस्वीकार गरेको बताए । अंहकार र प्रतिगमनले देश र जनताको पक्षमा काम गर्न नसक्ने बताउँदै नागरिकहरू सचेत हुनुपर्ने उनले बताए ।
तपाईको प्रतिक्रिया !