कपिलबस्तुमा साढे १५ करोड लागतमा सडक निर्माण हुने

कपिलबस्तु, जेठ १८ गते । कपिलबस्तुको मर्यादपुर, सुल्तनवापुर, बेलासपुर, सिहोखोर, सौरहा, गोटिहवा, कोपवामा १५ करोड ५५ लाख ९३ हजार लागतको सडको शिलान्यास गरिएको छ । सो सडक ८.४६६ किलो मिटर लम्बाईको पक्की सडक निर्माणको शुभारम्भ गरिएको हो । सडकको चौडाई सोल्जर सहित साढे ७ मिटरको हुनेछ । उक्त सडक संघीय सरकारको बजेट अन्तर्गत निर्माण हुन लागेको हो ।
सडकको कपिलबस्तु क्षेत्र नं. २ का प्रतिनिधि सभा सदस्य बृजेश कुमार गुप्ताले पुजापाठ गरी शिलान्यास गर्नु भएको छ । सडक निर्माण भएपछि यस क्षेत्रको स्थानियलाई आवत जावत गर्न धेरै सजिलो हुने प्रतिनिधि सभा सदस्य गुप्ताले बताउनुभयो । सडक निर्माणबाट कपिलबस्तु नगरपालिकाको वडा नंं १२, ५ र यशोधरा गाँउपालिकाको वडा नं. ५, ७ र ८ का वासीले प्रत्यक्ष लाभ लिन सकिने उहाँले बताउनुभयो । उहाँले भन्नुभयो “यो सडक निर्माण भएपछि यहाँका जनतालाई तौलिहवा सदरमुकाम जना सजिलो हुने बताउनुभयो ।”
सडक निर्माण गर्ने क्रममा स्थानियको सहयोग भयो भने सम्झौता अवधिभन्दा पहिले सम्पन्न हुने सडक डिभिजन कार्यालय शिवपुरको इञ्जिनियर निशा बेल्बासेले बताउनुभयो । सो सडक निर्माणको म्याद २ वर्ष रहेको उहाँले बताउनुभयो ।
सडक निर्माणमा अक्सफाल्ट कन्क्रिट, नाला, होमपाइप, कल्र्भट लगायतका कार्य गरिने कष्यप महेश सत्यवति जेविका प्रबन्ध निर्देशक किसन आचार्यले बताउनुभयो । मौसमले साथ दियो भने यो सडक एक बर्ष मै. सम्पन्न गरिने उहाँले बताउनुभयो ।