जनकपुरधाम । महोत्तरीको एकडारा गाउँपालिका १ स्थित एकडारा माध्यमिक विद्यालयका प्रधानाध्यापक र व्यबस्थापन समितिका अध्यक्ष घुस लिदैगर्दा पक्राउ परेका छन् ।
प्रधानाध्यापक रामदिनेश मण्डल र व्यवस्थापन समिति अध्यक्ष विनोद पासवान ५० हजार रुपैयाँ घुस रकमसहित पक्राउ परेका हुन् । जलेश्वर नगरपालिका २ स्थित मामाज किचेन होटेलबाट उनी दुबै जनालाई अख्तियारको टोलीले पक्राउ गरेको छ ।
विद्यालयमा भवन निर्माण प्रयोजनको भुक्तानीको लागि सेवाग्राहीबाट प्रधानाध्यापक र अध्यक्षले घुस मागेको सुचना पाएपछि अख्तियार दुरुपयोग अनुसन्धान आयोग काठमाडौं र बर्दिबासको संयुक्त टोलीले होटल पुगेको थियो ।
घटनास्थलमा स्थानीय जनप्रतिनिधिको उपस्थितमा मुचुल्का तयार पारेर पक्राउ परेका दुबै जनालाई थप अनुसन्धान तथा कारबाही गर्न अख्तियारको कार्यालय बर्दिबास लगिएको छ ।
तपाईको प्रतिक्रिया !