तौलिहवा, साउन १७ गते । कपिलबस्तुमा लागु औषध सहित तिन जना पक्राउ परेका छन् । प्रहरीले शुद्धोधन गाउँपालिका ५ हथिहवामा भारतिय सिमा नाकाबाट आउँदै गरेको वा १३ च १७२० नं.को कारलाई चेत्र जाँच गर्ने क्रममा पक्राउ गरेको हो ।
पक्राउ पर्नेमा रुपन्देही सिद्धार्थनगर नगरपालिका ११ भुजौलीका ५८ वर्षिय दुर्गा कुर्मी, मायादेबी गाँउपालिका ६ खजुरीयाका ४० वर्षिय को पम्पु कहार र सिद्धार्थनगर नगरपालिका एयरपोर्ट बस्ने ४८ वर्षिय सवारी चालक रमेश महर्जन रहेको प्रहरी नायब उपरिक्षक जेशी शाहले बताउनुभयो ।
उहाँहरुको साथबाट लुकाई छिपाई राखेको अवस्थामा विन्डलस् लेखेको निलो ४ क्याप्सुल, २४ पिस ब्याप्सुल, १० नं. लेखेको सेतो खुल्ला अवस्थामा रहेको ३० ट्याब्लेट र विन्डलस् लेखेको १०० एम एल को बोत्तल फेला परेको प्रहरी नायब उपरिक्षक शाहले बताउनुभयो ।
उहाँहरु नियन्त्रणमा लिई थप अनुसन्धान भाईरहेको प्रहरीले जनाएको छ ।
तपाईको प्रतिक्रिया !