काठमाण्डाै – इङ्ग्लिस प्रिमियर लिग फुटबलमा साउथह्याम्पटनलाई हराउँदै चेल्सी शीर्ष स्थानमा उक्लिएको छ । गएराति भएको खेलमा चेल्सीले साउथह्याम्पटनलाई ३–१ गोल अन्तरले हराएको हो ।
चेल्सीको जितमा टिमो वेर्नेर, बेन चिलवाल र ट्रेभो चालोभाले एक/एक गोल गरे । साउथह्याम्पटनका जेम्स वार्डले एक गोल फर्काए ।
खेलको ७७ औं मिनेटमा जेम्स वार्डले रातो कार्ड पाएपछि साउथह्याम्पटन १० खेलाडीमा समेटिएको थियो । जितसँगै चेल्सीले ७ खेलमा १६ अङ्क जोडेको छ । साउथह्याम्पटन ४ अङ्कसहित १७ औं स्थानमा छ ।
गएराति भएका खेलमा लिड्स युनाइटेडले वाट्फोर्डलाई १–० ले हराएको छ । त्यस्तै वुल्भ्सले न्युक्यासललाई २–१ गाेलले हराएको छ । आर्सनल र ब्राइटन तथा बर्नली र नर्वीच सिटीले गोलरहित बराबरी तथा म्यानचेस्टर युनाइटेड र एभर्टनले एक/एक गोलको बराबरी खेलेका छन् ।
तपाईको प्रतिक्रिया !