कपिलबस्तु, कार्तिक २
कपिलबस्तुमा इस्लाम धर्मका प्रवर्तक हजरत मोहम्मदको १४९६ औं जन्मोत्सव अर्थात् ‘मोहम्मद डे’ धुमधामका साथ मनाइएको छ । उक्त पर्वका अवसरमा मुस्लिम समुदायले र्याली निकाल्नुका साथै मस्जिदमा कुरान पाठ गर्ने, हजरत मोहम्मदका उपदेश स्मरण गर्ने, सामूहिक भोजन गर्ने र एकअर्कामा शुभकामना साटासाट गर्ने प्रचलन छ ।
हजरत मोहम्मदको जन्म इस्लामी पात्रो हिजरी सम्वत्को रविउल्ल अवल महिनामा साउदी अरबको मक्कामा बिबी आमिनाको कोखबाट भएको हो । उहाँको निधन ६३ वर्षको उमेरमा साउदीकै मदिनामा भएको थियो ।
नेपाली मुस्लिम समुदायले मोहम्मद डेलाई ईद मिलादुननबी र १२ रबिउल अब्बल पर्वलाई मोहम्मद जयन्ती भनेर पनि मनाउने गरेका स्थानिय जियाउल हकले बताए । सो अवसारमा सद्भाव र्याली निकालेर, गरिबलाई खाना खुवाएर मनाउने गरेको उनले बताए ।
१२ रबिउल अब्बल पर्वलाई मोहम्मद जयन्ती भनेर हामी मनाइरहेको स्थानिय मोहम्मद जाहिद खाँले बताए । उनले भने ‘कोरोनाका कारण दुई बर्ष देखि यो पर्व नमनाएको तर यो बर्ष नेपाल सरकारले विदा पनि दिएको कारणले यो बर्ष हामी हर्षोल्लासका साथ मनाएका छौ ।’
मोहम्मद दिवशको दिन इस्लाम धर्मावलम्बीहरुले खुशी व्यक्त गर्दै मोहम्मदका विभिन्न नारा घन्काउँदै ¥याली निकालेका छन् । मोहम्मद दिवशले मुस्लिम समुदायलाई एकताको सूत्रमा बाँध्नुका साथै भाइचारा कायम रहने जनविश्वास रहेको छ ।
तपाईको प्रतिक्रिया !