जङगलमा श्रीमतीको हत्या गरी फरार रहेको श्रीमान पक्राऊ

कपिलबस्तु, कार्तिक २३
कपिलबस्तु प्रहरीले जङगलमा आफ्नै श्रीमतीको हत्या गरी फरार रहेको श्रीमान पक्राऊलाई पक्राउ गरेको छ । कपिलवस्तुको महाराजगंज नगरपालिका वडा नं. ११ बाबा बनगाई बस्ने बर्ष ४५ को राम केवल लोनियाले आफ्नै ३५ वर्षिय श्रीमती चिन्का लोनियाको हत्या गरी बुद्धभूमी नगरपालिका वडा नं.९ चम्पापुर कपिलबस्तु साझेदारी वनमा फालेका थिए ।
राम केवल लोनियाले आफ्नै श्रीमतीको हत्या गरी असोज १७ गते बुद्धभूमी नगरपालिका वडा नं.९ चम्पापुरको कपिलबस्तु साझेदारी वनमा फालेका थिए । लोनियालाई बुद्धभुमि नगरपालिका ९ डुमराबाट पक्राउ गरीएको प्रहरी उपरिक्षक दान बहादुर कार्कीले बताउनुभयो ।
श्रीमानले जंगलमा बाती काट्ने काठ लिन जान लागेको बहानले लगी बाती काट्नको लगेको हसियाले कर्तव्य गरी मारी घटनामा प्रयोग भएको उक्त हँसिया बेल नदीमा फाली आफू भारत तर्फ भागेको थिए ।
मृतककी छोरी पुनिता लोनियाले ईलाका प्रहरी कार्यालय गोरुसिङेमा गई उक्त घटनास्थलमा फेला परेका दशीहरु, सामग्री र मृतकसँग सम्बन्धित चप्पल, कपडाहरु हेरी मेरो आमा चिन्का लोनियाको हो भनि सनाखत गरेकी प्रहरी उपरिक्षक कार्कीले बताउनुभयो ।
श्रीमती चिन्का लोनियाले पर पुरुषसंग अवैध सम्बन्ध राख्ने गरेको कुरामा शंका गरी श्रीमतिलाई सम्झाउँदा सोही विषयलाई लिएर श्रीमान श्रीमति बिच दैनिक कलह झै झगडा हुने गरेको प्रहरीले जनाएको छ ।
प्रहरीले जंगलमा मानव कंकाल ( खप्पर, हड्डीहरु ) भुईमा भेटिएको, हरियो रङको एक जोर चप्पल, साडीमा माटो लागेको अवस्थामा साडी लट्पटिएको शवको हड्डीका केही भागहरु फेला परेको प्रहरीले जनाएको छ । मृतकको भने तत्काल पहिचान खुलेको थिएन ।

पक्राउ परेका लोनियालाई कर्तव्य ज्यान सम्बन्धि मुद्धामा अनुसन्धान भईरहेको प्रहरीले जनाएको छ ।