कपिलबस्तुको तौलिहवामा स्थानीय स्वास्थ्य प्रणाली सुदृढीकरणका लागि अनुसन्धान पत्रकार अन्तरक्रिया कार्यक्रम सम्पन्न भएको छ । संघीयताको सन्दर्भमा स्थानीय स्वास्थ्य प्रणाली र यसका कार्यहरूबारे छलफल, कपिलबस्तु नगरपालिकाको स्वास्थ्य प्रणालीबारे संचारकर्मीहरूको सुझाव संकलन गर्ने उद्देश्यले सो कार्यक्रम गरिएको थियो ।
सो अवसरमा बोल्दै कपिलबस्तु नगरपालिकाका नगर प्रमुख सुदीप पौडेलले जनताको चहना र सेवाको लागि स्वास्थ्य विमाको आधा रकम दिने निर्णय गरेको बताउनुभयो । उहाँले भन्नुभयो सबै औषधी सबै ठाँउमा पाइन्छ पनि हुदैन, त्यसको लागि पत्रकारले आफ्नो दायित्व अनुसार कार्य गर्नु पर्ने बताउनुभयो । कपिलबस्तु नगरपालिकाले सञ्चालन गरेको स्वास्थ्य विमा कार्यक्रमलाई प्रभावकारी बनाउन सबैको सहयोग हुनु पर्ने उहाँको भनाई छ ।
स्थानिय तहमा स्वास्थ्य सेवा सञ्चालन गर्न न्युनतम मापदण्ड बनाएर कार्य गर्नु पर्ने पत्रकार महासंघका अध्यक्ष किरणमान बज्राचार्यले बताउनभयो । त्यस्तै कपिलबस्तु नगरपालिकाका स्वास्थ्य संयोजक उमेश गुप्ताले नगरभित्र रहेका स्वास्थ्य संस्थालाई चाडै दर्ता गरेर नियमन र अनुगमन गर्ने बताउनुभयो । कार्यक्रमा संयोजक गुप्ताले स्वास्थ्य प्रणाली उत्थानशिलता, स्वास्थ्य प्रणालीका स्तम्भहरु, नेपालको स्वास्थ्य प्रणाली र स्थानीय स्वास्थ्य प्रणालीको बारेमा प्रस्तुतिकरण गर्नु भएको थियो ।
कार्यक्रममा हर्ड इन्टरनेशनलका श्रीमन शर्माले स्थानिय स्वास्थ्य प्रणालीमा कसरी काम गर्ने, स्वास्थ्य प्रणालीमा चुनौती सिर्जन गर्ने घटनाहरुको बारेमा प्रस्तुतीकरण गर्नु भएको थियो । कार्यक्रम कपिलबस्तु नगरपालिकाको आयोजना हर्ड इन्टरनेशनलको सहयोगमा भएको हो ।
कार्यक्रममा कपिलबस्तु नगरपालिकाका प्रमुख प्रशासकिय अधिकृत शेषकान्त पौडेल, स्वास्थ्य कार्यालयका मोहम्मद इरफान विभिन्न सञ्चार संस्थाका प्रमुख एवम् प्रतिनिधि लगायतको सहभागिता रहेको थियो ।
तपाईको प्रतिक्रिया !